NATO-ს ვაშინგტონის სამიტის დეკლარაციაში ნათქვამია, რომ უკრაინა ალიანსის წევრობის შეუქცევად გზაზე დგას. დოკუმენტში წერია, რომ ,,უკრაინა სულ უფრო მეტად თავსებადია და პოლიტიკურად ინტეგრირებული ხდება ალიანსთან”.
,,ჩვენ სრულად ვუჭერთ მხარს უკრაინის უფლებას აირჩიოს საკუთარი უსაფრთხოების ზომები და გადაწყვიტოს საკუთარი მომავალი, გარეშე ჩარევის გარეშე. უკრაინის მომავალი ნატოშია”, – წერია დეკლარაციაში.
ალიანსის წევრები მიესალმებიან პროგრესს, რომელსაც უკრაინამ მიაღწია ვილნიუსის სამიტის შემდეგ დემოკრატიულ, ეკონომიკურ და უსაფრთხოების რეფორმებთან დაკავშირებით.
,,რადგან უკრაინა აგრძელებს ამ სასიცოცხლო მნიშვნელობის საქმეს, ჩვენ გავაგრძელებთ მის მხარდაჭერას მის შეუქცევად გზაზე სრული ევროატლანტიკური ინტეგრაციისკენ, ნატოს წევრობის ჩათვლით”, – წერია დოკუმენტში.
დეკლარაციის მიხედვით, ნატო-ს წევრი ქვეყნები შეთანხმდნენ, რომ მომდევნო წელს, უკრაინას მინიმუმ 40 მილიარდი ევროს დახმარება გამოუყონ.
ალიანსი ასევე შექმნის მექანიზმს, რომლის მიზანია უკრაინისთვის განკუთვნილი შეიარაღებისა და წვრთნის კოორდინაცია. დოკუმენტში აღნიშნულია, რომ NSATU, საერთაშორისო სამართლის მიხედვით, არ გახდის ნატო-ს კონფლიქტის მხარედ. ის მხარს დაუჭერს უკრაინის თავდაცვისა და უსაფრთხოების ძალების ტრანსფორმაციას, ნატო-ში მისი შემდგომი ინტეგრაციის შესაძლებლობას.
